व्यवसाय/उद्योगासाठी उद्योगनीती – उद्योजकतेसाठी मार्गदर्शक कविता | Industrial Policy for Business & Entrepreneurship
उद्योग हा केवळ नफा कमावण्याचा मार्ग नसून, तो समाजाच्या आर्थिक प्रगतीला दिशा देणारा एक महत्त्वाचा स्तंभ आहे. कोणताही व्यवसाय दीर्घकाळ टिकण्यासाठी आणि स्पर्धात्मक बाजारपेठेत उभा राहण्यासाठी योग्य उद्योगनीती आवश्यक असते.
उद्योगनीती म्हणजे —
व्यवसायाचा मार्ग, उद्दिष्टे, साधनसंपत्ती आणि निर्णय प्रक्रियेचे स्पष्ट नियोजन. यात गुंतवणूक, उत्पादन, बाजारपेठ, तंत्रज्ञान, मानवसंसाधन आणि जोखीम व्यवस्थापनाचा समावेश होतो. योग्य उद्योगनीतीमुळे व्यवसायाचे ध्येय अधिक स्पष्ट होते, अडचणींवर योग्य वेळी उपाय सापडतात आणि वाढीसाठी नवीन दारे उघडतात.
आजच्या बदलत्या अर्थव्यवस्थेत उद्योगनीती ही फक्त मोठ्या उद्योगांसाठी नव्हे, तर लघु उद्योग, गृह-उद्योग आणि स्टार्टअप्ससाठीदेखील समान महत्त्वाची आहे. तंत्रज्ञानातील बदल, डिजिटल मार्केटिंग, स्पर्धा आणि ग्राहकांची बदलती गरज लक्षात घेऊन तयार केलेली नीती व्यवसायाला अधिक मजबूत बनवते.
माझी कविता या विषयावर असणे हे विशेष आहे —
कारण कविता प्रेरणा देते, आणि प्रेरणा हीच व्यवसायाची खरी ऊर्जा असते.
व्यवसायाचा मार्ग, उद्दिष्टे, साधनसंपत्ती आणि निर्णय प्रक्रियेचे स्पष्ट नियोजन. यात गुंतवणूक, उत्पादन, बाजारपेठ, तंत्रज्ञान, मानवसंसाधन आणि जोखीम व्यवस्थापनाचा समावेश होतो. योग्य उद्योगनीतीमुळे व्यवसायाचे ध्येय अधिक स्पष्ट होते, अडचणींवर योग्य वेळी उपाय सापडतात आणि वाढीसाठी नवीन दारे उघडतात.
कारण कविता प्रेरणा देते, आणि प्रेरणा हीच व्यवसायाची खरी ऊर्जा असते.
तहान लागल्यानंतर विहीर खोदून काम उपयोग? ही म्हण आपल्याकडे प्रचलित आहे. म्हणजेच भविष्यातील आपल्या गरजा ओळखून त्यासाठी योग्य तजवीज करणे आवश्यक आहे. उद्योग-व्यवसाय उभारणीपासून तो यशोशिखरावर नेण्यासाठी करावयाच्या आवश्यक सर्व बाबींची मार्मिक पद्धतीने मांडणी सदर कवितेत केली आहे. चला तर मग जाऊया या कवितेच्या गावा...
व्यवसाय-उद्योगात असावा माथा ।
नुसता नसावा नीतीचा काथा ।।
व्यवसाय-उद्योगात करावे वाचन।
मनात होते त्यामुळे 'उद्योजकीय' सिंचन ।।
व्यवसाय-उद्योगात आचरावी कुटिल नीती ।
त्याने घडेल स्वउद्योगाची दिवसेंदिवस प्रगती ।।
व्यवसाय-उद्योगात आणा सर्वसमावेशी बुध्दिमत्ता ।
तेव्हाच चौफेर येईल तुमची उद्योगात सत्ता ।।
व्यवसाय-उद्योगात नका धरू कुणाला वेठीस ।
तेव्हाच पैसे खुळखुळतील तुमच्या गाठीस ।।
व्यवसाय-उद्योगात जपा उद्योजकतेची मूल्ये ।
त्यानेच साम्राज्य होईल खुले ।।
व्यवसाय उद्योगात जुने विचार द्या टाकून ।
करावा स्वीकार आदबीने वाकून।।
व्यवसाय उद्योगात करावा नफ्याचा विचार ।
पण नफ्यासाठी करू नका भ्रष्ट आचार ।।
व्यवसाय-उद्योगात द्या चांगली सेवा ।
सेवा घेऊन ग्राहकांचा काढू नका मेवा ।।
व्यवसाय-उद्योगात ठेवा रागावर नियंत्रण ।
उद्घाटनानिमित्त पाठवा सर्वांना सस्नेह निमंत्रण ।।
व्यवसाय-उद्योगात नसावा उर्मटपणा ।
त्यासाठी सिंधी-मारवाडींचे गुण आचरणात आणा ।।
व्यवसाय-उद्योग करावा दूरदृष्टीने ।
कामगारांची काळजी घ्या नेकीने ।।
व्यवसाय-उद्योगात करा सर्व धर्माचा आदर ।
यानेच आपले नांव जाईल दूरवर ।।
व्यवसाय-उद्योगच करा, करू नका चाकरी ।
का लोटतात दूर आपल्या हक्काची भाकरी ।।
व्यवसाय उद्योगात करावे बाजारपेठ मंथन ।
हर एक ग्राहकाचे करावे स्वमनन ।।
व्यवसाय-उद्योगात आचरावी सकारात्मकता ।
हीच तरी तुमची खरी पात्रता ।।
व्यवसाय-उद्योगात करावी अपार मेहनत ।
असू द्यावी चांगल्या विचारांची दानत ।।
व्यवसाय उद्योगात करावा स्पर्धकांचा विचार ।
त्यासाठी करावा निकोप स्पर्धेचा आचार ।।
व्यवसाय-उद्योगात ठेवू नका पर्याय ।
तेव्हाच होईल मुंबईचे शांघाय ।।
व्यवसाय उद्योगात ठेवा अंतरंगी चिकाटी ।
तेव्हाच फोडू शकाल स्वउद्योगाची लाठी ।।
व्यवसाय-उद्योगात ग्राहकांवर व्हा एकाग्र ।
तेव्हाच उद्योग तुमचा बहरेल समग्र ।।
व्यवसाय-उद्योगात करा आर्थिक संचय ।
पैशांबरोबर करा समाजसेवेचा समुच्चय ।।
व्यवसाय-उद्योगात असावी ज्वलंत इच्छाशक्ती ।
त्यासाठी करावी लागते स्वकर्तृत्वावर भक्ती ।।
व्यवसाय-उद्योगात मिळवावे लागते झगडून यश ।
परंतु त्यासाठी आधी पचवावे लागते अपयश ।।
व्यवसाय उद्योगात असावे संभाषण चतुर ।
त्यासाठी करू नका ग्राहकापुढे कुरबूर ।।
व्यवसाय-उद्योगात नसावा भाऊबंदकीचा शाप ।
आटोकाट भरावे आपल्या कर्तृत्वाचे माप ।।
व्यवसाय-उद्योगात झगडावे परिस्थितीशी ।
तीच तुमची पंढरी आणि काशी।।
व्यवसाय उद्योगात गाठा सर्वोच्च शिखर ।
वेळप्रसंगी घाला नीतिमत्तेवर नांगर ।।
व्यवसाय-उद्योगात असू द्यावे प्रसंगावधान ।
तुमच्या उद्योगाचे तुम्हीच व्हावे राजा नि प्रधान ।।
व्यवसाय-उद्योगात असू द्यावे स्मित हास्य ।
तरच तुम्ही जिंकू शकतात ग्राहकाचे कास्य ।।
व्यवसाय-उद्योगात करा दैवावर मात ।
जुन्या विचारांची वेळोवेळी टाकावी कात ।।
व्यवसाय उद्योगात करू नका वेळेचा विचार ।
कधी पसरू नका हात, होऊ नका लाचार ।।
व्यवसाय-उद्योग करता म्हणून वाटू देऊ नका कमीपणा ।
सोडू नका तुमच्या मनाचा सरळपणा ।।
व्यवसाय-उद्योगात वेळप्रसंगी घ्यावे कठोर निर्णय ।
पण कामाची बिघडू देऊ नका लय ।।
व्यवसाय उद्योगात चांगली माणसं सतत जोडा ।
तेव्हाच नीट चालेल आपल्या उद्योगाचा गाडा ।।
व्यवसाय उद्योगात स्वभाव ठेवा मनमिळावू ।
प्रसंगी उद्योग कर्तृत्वाचेच गाणी गाऊ ।।
व्यवसाय उद्योगात केव्हाही पडते अघटित ।
तेव्हाच अनुभव मिळतो अनेक पटीत ।।
व्यवसाय उद्योगात प्रत्येक असतो असमाधानी ।
हिच खरी ओळख असते उद्योजकाच्या मनी ।।
व्यवसाय उद्योगात असतात अमर्याद संधी ।
या लाटेवर आरुढ होतो उद्योजकाचा नंदी ।।
व्यवसाय उद्योगात स्वतःच करा स्वमूल्यमापन ।
कशाला हवे दुसऱ्या कुणाचे ज्ञापन ।।
व्यवसाय उद्योगात हस्तगत करावे व्यवहार ज्ञान ।
त्याशिवाय आपल्याला मिळणार नाही मान ।।
व्यवसाय उद्योगात होत असते चारित्र्याचे मुल्यमापन । तेव्हाच ग्राहक ठरवतो तुमचे 'शहाणपण' ।।
व्यवसाय-उद्योगात करावे मनाचे व्यवस्थापन ।
तेव्हाच सुधारेल आपले 'अर्थकारण' ।।
व्यवसाय-उद्योगात द्या इतरांना प्रेरणा ।
त्यानेही मिळेल आपल्या उद्योगाला चालना ।।
महाराष्ट्रात आहे भौगोलिक संपत्तीचे सडे ।
म्हणूनच आपण आहोत औद्योगिकीकरणात पुढे ।।
व्यवसाय उद्योगासाठी मी खूप काही सांगितलं ।
माफ करा मला जेवढं कराल तेवढं चांगलं ।।
व्यवसाय-उद्योग करणाऱ्यांवर मी करतो प्रेम ।
जेवढं जमेल तेवढे करा माझेच मला सप्रेम ।।
व्यवसाय-उद्योजकांना जावो दिवस आनंदाचा ।
घेतो रजा आता सोशल मीडियाच्या वाचकांचा ।।
© दीपक केदू अहिरे
नाशिक
deepakahire1973@gmail.com
******************************************Telegram :******************************************Facebook :************************************************************************************YouTube :
******************************************Quora :******************************************Koo :******************************************************************************************************************************Twitter :@DeepakA86854129******************************************Website :
******************************************
******************************************
Telegram :
******************************************
Facebook :
******************************************
******************************************
YouTube :
******************************************
Quora :
******************************************
Koo :
******************************************
******************************************
******************************************
Twitter :
@DeepakA86854129
******************************************
Website :
******************************************
No comments:
Post a Comment