अंधार सोबतीला घेऊन...
With darkness as a companion
अंधार सोबतीला घेऊन
करावी जगण्याची वाटचाल,
तेव्हा कुठे आपण मार्ग शोधू
बदलेल हा जीवनाचा काळ...
अंधार सोबतीला घेऊन
जगण्याचा मार्ग आपण शोधावा,
तेव्हा कुठे सापडेल आपल्याला
मार्गदर्शक चमकणारा काजवा...
अंधार सोबतीला घेऊन
येथपर्यंत मजल मारली,
अजून गाठायचं आहे ध्येय
आसमान आहे सात मजली...
अंधार सोबतीला घेऊन
जमिनीत माझे बीज अंकुरले,
आता घट्ट गाडतोय मुळे
रोपट्याचा जणू वृक्ष जाहले...
@ दीपक अहिरे,
नाशिक
