एव्ही ब्रॉयलर-सोरा होल्डिंग्ज यांच्यात सामंजस्य करारMoU between AV Broiler and Sora Holdings
नाशिक : जागतिक पोल्ट्री ब्रीड उत्पादनात एव्ही ब्रॉयलर या भारतीय कंपनीने अल्पावधीत मुसंडी मारीत या उद्योगात स्वतःचे वेगळे स्थान निर्माण केले असून आफ्रिका खंडातील सेनेगल या देशातील सोरा होल्डिंग या कंपनीसोबत एव्ही ब्रॉयलरचा सामंजस्य करार नुकताच सह्याद्री फार्म, मोहाडी येथे करण्यात आला.
यावेळी एव्ही ब्रॉयलरचे अध्यक्ष व व्यवस्थापकीय संचालक श्रीकृष्ण गांगुर्डे, सोरा होल्डिंगचे अध्यक्ष सिस्कोममाऊ व अॅडफीडचे संचालक मॅलिकसेने उपस्थित होते. पोल्ट्री ब्रिड उद्योगात भारत व सेनेगल (आफ्रिका) या दोन देशातील उद्योजकात झालेला हा भारतातील पहिलाच करार मानला जात आहे.
आफ्रिका खंड हा पोल्ट्री फीड उत्पादनांचा मोठा आयातदार आहे. आफ्रिकेकडून भारतीय पोल्ट्री उत्पादनांना प्राधान्य दिले जात असताना पुढील काळात या करारातून भारतीय पोल्ट्री उद्योगांसाठी संधी वाढणार असल्याचे श्रीकृष्ण गांगुर्डे यांनी पत्रकार परिषदेत सांगितले.
सेनेगल देश व एकूणच आफ्रिका खंड हा ब्रॉयलर पक्षी व अंड्याचा मोठा ग्राहक देश आहे. यासाठी या देशाला अमेरिका व युरोप देशातून होणाऱ्या आयातीवर अवलंबून राहावे लागत आहे; मात्र हे अवलंबित्व हे सुयोग्य नसून ते महाग असल्याचे सेनेगल देशातील पोल्ट्री व्यावसायिकांचे म्हणणे आहे.
त्या तुलनेत भारतातून येणाऱ्या पोल्ट्री ब्रीडला त्यांनी प्राधान्य देण्यास सुरुवात केली आहे. त्यासाठी सेनेगल येथील पोल्ट्री अनुवंश आयातदार व ग्राहकांनी एव्हि ब्रॉयलरच्या ब्रीडला पसंती दर्शविली आहे. भारतातील एव्हि ब्रॉयलर व सेलेगन येथील सोरा होल्डिंग्ज यांच्यात याच संदर्भात द्विपक्षीय सामंजस्य करार करण्यात आला असून, त्यामुळे भारतीय पोल्ट्री उत्पादनांच्या या दोन्ही देशातील व्यापाराला चालना मिळणार असल्याचे श्री. गांगुर्डे यांनी सांगितले.
© दीपक केदू अहिरे
नाशिक
deepakahire1973@gmail.com
www.ahiredeepak.blogspot.com
www.digitalkrushiyog.com
digitalkrushiyog@gmail.com******************************************Telegram :******************************************Facebook :******************************************Instagram : ******************************************YouTube :
******************************************Quora :******************************************Koo :******************************************Pintrest:******************************************Share chat :******************************************Twitter :@DeepakA86854129******************************************Website :
******************************************
www.ahiredeepak.blogspot.com
