www.ahiredeepak.blogspot.com
www.ahiredeepak.blogspot.com
ओंजळ पाण्याची
तहान भागवते,
ओंजळीने ओंजळीने
धन बघा साचते...
ओंजळ माणुसकीची
मी पुढ्यात भरताे,
कशी मला तुडवून
ऊर कसा बडवताे...
ओंजळ फुलांची
सुवास कसा देते,
ओंजळभर पुण्य
दिवसभरात साचते..
ओंजळ माझी सदा
पराेपकाराने भरलेली,
ओंजळीने ओंजळीने
मी कर्तव्य बजावली...
© दीपक केदू अहिरे, नाशिक
मी खंबीर आहे
नाही कमजोर,
म्हणून राहताे मी
मस्त आणि बिनघाेर...
मी खंबीर आहे
म्हणून ना लाचार,
करू कशाला मी आता
माझ्या क्षेत्री भ्रष्ट आचार...
मी खंबीर आहे
तुटलाे मी कित्येक वेळा,
आता कुठे बसवला मी
बिनधास्त क्षणांचा मेळा...
मी खंबीर आहे
म्हणून नाही अवलंबून,
पडलाे जरी प्रयत्न करता
पुन्हा उठून उभा राहिन...
© दीपक केदू अहिरे, नाशिक
शाेध मैत्रीचा
निखळ अनुभूतीचा,
द्यावा नी घ्यावा
परामर्श आनंदाचा...
शाेध मैत्रीचा
गाेडवा चाखण्याचा,
मिसळून
एकमेकात राहण्याचा...
शाेध मैत्रीचा
न आटणाऱ्या झऱ्याचा,
परामर्श घ्यावा
अंतरंगी समाधानाचा...
शाेध मैत्रीचा
परस्पर विश्वासाचा,
जाेडून घ्यावा
वसा सहकार्याचा...
© दीपक केदू अहिरे, नाशिक
ओढ मातीची
स्वस्थ बसू देत नाही,
गावाकडे फेरफटका
नेमाने हाेतच राही...
ओढ मातीची
जन्माने ती चिकटते,
गंध मातीचा
हुंगतच राहावेसे वाटते...
ओढ मातीची
ऋणानुबंध कुणब्याचे,
मशागत तिची
अव्याहतपणे चालायचे...
ओढ मातीची
आणते जीवनात प्राण,
तिच्या सहवासाने
वाटते जीवनात छान...
©दीपक के.अहिरे,
नाशिक
मित्र कीटकांची ओळख परेड! शेतीतील मित्र कीटक आणि जैविक नियंत्रणाचे महत्त्व | mitra kitak olakh biological pest control मित्र कीटक ओ...
