नाशिक येथील K. K. Wagh Education Society अंतर्गत आयोजित “के के वाघ कृषी महोत्सव २०२६” हा शेतकऱ्यांसाठी ज्ञान, तंत्रज्ञान आणि प्रात्यक्षिकांचा अनोखा मेळा ठरणार आहे. ९ ते १२ मार्च २०२६ या कालावधीत धात्रक फाटा, माने नगर, पंचवटी येथे हा महोत्सव पार पडणार आहे.
नाशिक जिल्ह्यातील शेतकऱ्यांसाठी ज्ञान, तंत्रज्ञान आणि नवकल्पनांचा संगम ठरणारा ‘कृषीकुंभ 2026’ हा भव्य कृषि महोत्सव 12 ते 16 मार्च 2026 दरम्यान आयोजित करण्यात आला आहे. जिल्हा प्रशासन, नाशिक, कृषि विभाग, नाशिक आणि आत्मा (ATMA), नाशिक यांच्या संयुक्त विद्यमाने हा महोत्सव युथ फेस्टिवल मैदान, पार्कसाईट शेजारी, बळी मंदिर चौक, नाशिक येथे पार पडणार आहे.
पाच दिवस चालणाऱ्या या कृषि महोत्सवात 400 पेक्षा अधिक नाविन्यपूर्ण स्टॉल्स उभारण्यात येणार असून, शेतकऱ्यांना प्रत्यक्ष मार्गदर्शन, प्रात्यक्षिके आणि आधुनिक तंत्रज्ञानाचा अनुभव घेण्याची सुवर्णसंधी मिळणार आहे. शेती क्षेत्रातील बदलत्या गरजांना अनुसरून आधुनिक साधनसामग्री, संशोधन आणि शासकीय योजनांची माहिती एकाच छताखाली उपलब्ध होणार आहे.
कृषीकुंभ 2026 मध्ये कृषी क्षेत्रातील नाविन्यपूर्ण तंत्रज्ञानावर विशेष भर देण्यात आला आहे. कृत्रिम बुद्धिमत्तेचा (AI) शेतीतील वापर, अचूक हवामान अंदाज, पीक व्यवस्थापनासाठी स्मार्ट सॉफ्टवेअर, आणि उत्पादन वाढीसाठी डिजिटल उपाययोजना यांचे प्रात्यक्षिक दाखवले जाणार आहे. कृषि ड्रोन प्रात्यक्षिकाद्वारे फवारणी, सर्वेक्षण आणि पिकांची निगा राखण्याची आधुनिक पद्धत शेतकऱ्यांना समजावून सांगितली जाणार आहे.
ग्रेप कव्हर व क्रॉप कव्हर तंत्रज्ञान, बायोचार आणि नैसर्गिक शेती मॉडेल, जलतारा व पाणलोट मॉडेल यांसारख्या संकल्पनांमुळे शाश्वत शेतीचा मार्ग अधिक स्पष्ट होणार आहे. हायड्रोपोनिक्स शेती प्रात्यक्षिक, शेततळे व मत्स्यपालन मॉडेल, सोलर ड्रायर यांसारखी पर्यावरणपूरक आणि उत्पन्नवाढीची साधने शेतकऱ्यांसाठी मार्गदर्शक ठरणार आहेत.
या महोत्सवात कृषी क्षेत्रातील विविध संशोधन संस्थांचा सहभाग राहणार असून भात, द्राक्ष आणि कांदा यांसारख्या पिकांच्या विविध सुधारित जातींबाबत माहिती देण्यात येणार आहे. नाशिक जिल्हा द्राक्ष आणि कांदा उत्पादनासाठी ओळखला जातो; त्यामुळे या पिकांसाठी विशेष मार्गदर्शन सत्रांचे आयोजन करण्यात आले आहे.
शेतकऱ्यांसाठी तज्ञांद्वारे परिसंवाद, व्याख्याने आणि प्रत्यक्ष प्रशिक्षण सत्रे आयोजित केली जाणार आहेत. कृषी पतपुरवठा, कृषी यांत्रिकीकरण, काढणीपश्चात तंत्रज्ञान आणि प्रक्रिया उद्योगातील संधी यावर सखोल चर्चा होणार आहे. शासकीय योजनांसाठी अर्ज करण्याची सुविधा देखील उपलब्ध करून देण्यात आली आहे, ज्यामुळे शेतकऱ्यांना तात्काळ नोंदणी व मार्गदर्शन मिळेल.
आंतरराष्ट्रीय महिला शेतकरी वर्षानिमित्त महिला शेतकरी सन्मान सोहळा हा विशेष आकर्षण ठरणार आहे. शेती क्षेत्रात उल्लेखनीय कार्य करणाऱ्या महिला शेतकऱ्यांचा गौरव करण्यात येणार आहे. प्रयोगशील शेतकरी, शेतकरी गट आणि शेतकरी उत्पादक कंपन्यांचाही सन्मान सोहळा पार पडणार आहे.
या स्पर्धेद्वारे ग्रामीण भागातील नवकल्पनांना व्यासपीठ मिळणार आहे. प्रत्येक गावातून शेतकरी भेटी आयोजित करून अधिकाधिक शेतकऱ्यांना या महोत्सवाचा लाभ घेता येईल, अशी व्यवस्था करण्यात आली आहे.
अन्नप्रक्रिया उद्योगाचे विशेष दालन हे कृषीकुंभ 2026 चे आणखी एक महत्त्वाचे आकर्षण आहे. प्रक्रिया उद्योगासाठी आवश्यक मशिनरी, वित्तपुरवठा करणाऱ्या बँका आणि अर्ज प्रक्रियेची सुविधा एकाच ठिकाणी उपलब्ध असेल. शेतमालाला मूल्यवर्धन करून अधिक नफा कसा मिळवता येईल, याबाबत सविस्तर मार्गदर्शन केले जाणार आहे.
धान्य महोत्सवातून विविध धान्यप्रकारांचे प्रदर्शन आणि विक्री होणार असून, गुणवत्तापूर्ण निविष्ठा आणि नैसर्गिक शेती उत्पादनांना प्रोत्साहन दिले जाईल.
कृषीकुंभ 2026 मध्ये ‘नाशिकची खाऊ गल्ली’ हे आकर्षण ठरणार आहे. नाशिक जिल्ह्यातील सुप्रसिद्ध खाद्यपदार्थ एकाच ठिकाणी उपलब्ध असतील. शेतकरी व नागरिकांना शेतीसोबतच सांस्कृतिक आणि खाद्य अनुभवाचा आनंद घेता येणार आहे.
सांस्कृतिक कार्यक्रमांत महाराष्ट्राची हास्यजत्रा, फोक लोक, पारंपरिक लोककला कार्यक्रम तसेच शालेय व महाविद्यालयीन विद्यार्थ्यांचे सादरीकरण होणार आहे. शेती आणि संस्कृतीचा संगम घडवणारा हा उपक्रम सर्वांसाठी आनंददायी ठरणार आहे.
कृषीकुंभ 2026 मध्ये स्टॉल बुकिंगसाठी इच्छुकांनी खालील अधिकाऱ्यांशी संपर्क साधावा:
श्री. महेश विठेकर (कृषि उपसंचालक) – 9970727672
श्री. हितेंद्र मोरे (तालुका तंत्रज्ञान व्यवस्थापक) – 9421123464
नोंदणीसाठी जिल्हा अधिक्षक कृषि अधिकारी कार्यालय, नाशिक येथे संपर्क साधावा.
कृषीकुंभ 2026 हे केवळ एक कृषि प्रदर्शन नसून, ते शेतकऱ्यांसाठी ज्ञान, तंत्रज्ञान, उद्योग आणि प्रेरणेचा महोत्सव आहे. आधुनिक तंत्रज्ञानाची ओळख, शासकीय योजनांचा लाभ, संशोधन संस्थांचा सहभाग आणि सांस्कृतिक कार्यक्रमांची जोड यामुळे हा महोत्सव शेतकऱ्यांसाठी परिवर्तनाची दिशा ठरणार आहे.
नाशिक जिल्ह्यातील तसेच राज्यभरातील शेतकऱ्यांनी या कृषि महोत्सवाला मोठ्या संख्येने उपस्थित राहून शेतीच्या प्रगतीचा नवा अध्याय लिहावा, असे आवाहन आयोजकांकडून करण्यात आले आहे. 🌾🌿
महाविस्तार-AI | Smart Guide for Accurate Decisions in Agriculture
स्थानिक हवामानाचा अंदाज
पाऊस, तापमान, आर्द्रता याबाबत सतत माहिती
पेरणी, कापणी आणि फवारणीसाठी योग्य वेळ
जमिनीच्या सुपीकतेची तपशीलवार माहिती
पोषक तत्त्वांची उपलब्धता
शिफारस केलेली खत मात्रा
पिक, क्षेत्र आणि पोषकतत्त्वांच्या आधारावर अचूक खत गणना
सुरक्षित फवारणी मार्गदर्शन
पेरणीपासून काढणीपर्यंत तंत्रज्ञान आधारित सल्ला
तृणधान्य, कडधान्य, नगदी पिके, भाजीपाला, फळे, मसाला पिकांसाठी —
जमिनीची पूर्व मशागत
पेरणी
सिंचन पद्धती
कीड व रोग व्यवस्थापन
कापणी व मळणी
साठवणूक तंत्रज्ञान
सर्व सल्ला प्रमाणित कार्यपद्धती (Standard Practices) वर आधारित.
पिकनिहाय रोगांची ओळख
उपाययोजना
योग्य फवारणी तंत्र
जिल्हानिहाय व पिकनिहाय बाजारभाव
रिअल टाइम भाव अपडेट्स
योग्य विक्री वेळ निश्चित करण्यास मदत
झूम लिंक
तज्ज्ञांचे व्हिडिओ
ऑनलाइन प्रशिक्षण कार्यक्रम
जिल्हानिहाय गोदामांची माहिती
संपर्क क्रमांक
उपलब्धतेची स्थिती
Google Play Store वर जा →
🔍 Search करा: MAHAVISTAAR-AI
→ ॲप Install करा
→ लॉगिन केल्यानंतर वरील सर्व सुविधा पाहता येतील.
अचूक निर्णय वेळेत घेता येतात
चुकीचे तंत्रज्ञान टाळता येते
पिकांचे उत्पादन आणि गुणवत्ता वाढते
खर्च कमी, नफा जास्त
प्रत्येक माहिती एकाच ठिकाणी उपलब्ध
जिल्ह्यातील सर्व शेतकऱ्यांनी महाविस्तार-AI ॲप डाऊनलोड करून शास्त्रशुद्ध, अचूक आणि वेळेत मार्गदर्शन मिळवावे आणि डिजिटल शेतीचा अधिकाधिक लाभ घ्यावा.
www.ahiredeepak.blogspot.com
करवंदाच्या शेतीतून एकरी १.५ लाखांचे उत्पन्न! कुंपणासाठी लावली झाडे अन् आता देशभर होतेय विक्री; वाचा सदाशिव अडकिणे यांची यशोगाथा. Sada Karv...
