महत्वाकांक्षा
Ambition

या जगी ज्यांनी केले विशेष,

ती माणसं महत्वाकांक्षी,

सामान्य माणसं गुंततात, 

छोट्या गोष्टीत आकांक्षी...

शिवरायांची महत्वाकांक्षा,

होती स्वराज्य मिळवण्याची,

अशीच माणसं ठरतात, 

केंद्रीभूत विश्वाच्या सामर्थ्याची...

महत्वकांक्षेच्या पूर्तेतेसाठी, 

अंगी येते खूप झपाटलेपण,

आंकाक्षेचा करावा लागतो त्याग, 

वळवाव लागतं मन...

अज्ञान दूर होण्यासाठी,

कर्मवीर अनवाणी पायाने फिरले,

पूर्ती केली महत्वकांक्षेची,

सर्व अडचणींना दूर सारले...

© दीपक केदू अहिरे, नाशिक